Make Up Haul : مشتريآتي ♥

6:45 م beauty angel 12 Comments

مسائكم وصبآحكم سعيد  ♥♥ .. 
ادري طولت عليكم كثيررر بس ظروفي ماسمحت لي .. 
لكن جيتكم ب مشترياتي * الشبه كثيره  :$ ..
ماصير بنت لو ماطلعت السوق وقشيت الدنيا :P
طبعا اغلب الاشياء كانت مكيآج :$ 



طبعا هذي صوره عآمه للأغرآض , ♥♥♥
شريتهم خلآل الشهرين الي رآحو  ..

ببدأ ب المناكير من سنتر بوينت ومن ايلف .. 

من اليمين مناكيرات ( ELF) هذي علبه فيها 14 لون طبعا نصها استولت عليها اختي :P 
موب شينه ومو الي وآآو مره يعني عاديه .. عيبها احس تتقشر بسرعه ! 
الوانها جميله كانت بين الفضي والذهبي والاحمر ..  سعرها تقريبا 15 دولار .. يعني كأن كل مناكير ب دولار 
هذي الوانها الباقيه ..



المناكير الي  ع اليسار 2 من ريفلون ونيكس حبيت الوانهم منعشه ♥_♥.. 
هذي الوانها .. 



مناكير ريفلون ب 30 ريال .. 
ونيكس ب 30 او 32 حولها .. حبيتهم ♥♥ ..




هذا البيبي كريم الجديد من برجوآ ♥_♥ تحت التجربه وان شاءالله اسوي عنه ريفيو اذا بديت احس بنتايجه ..
فيه حمايه من الشمس 20 spf .. 
طبعا يستخدم ي بالاسفنجه وانا مو حابتها , او ب فرشه .. اول مره جربته ب فرشة الفاونديشين من ريل تكنيك واعجبني , ب 92 ريال من سنتر بوينت 




 اروآجي الجممميله :"( ♥♥♥ 
* الي ع اليمين ماقاومته صرآحة واستعملته على طولل * من ميبلين يجننن لونه وقوامه 
كريمي مو الي يحوس هو قوامه ثقيل شوي وثباته ممتاز ك روج كريمي ولونه مررره ينفع للصباح وردي هادي .. 
وحتى ريحته مره احبها .. كذا فانيليا وشي حلو :D ماعرف اوصف .. ب 40 او 45 من سنتر بوينت ..
والثاني من ريميل برضو لونه حلو ممكن تحسونه قريب للأول بس هذا جاي ع لحمي اكثر ثاني مره اشتريه واححبه .. ب 30 ريال من سنتر بوينت .. 

هذي سواتشات من النت " 



" الي فوق ريميل والي تحت ميبيلين " ♥♥



آخر شي من سنتر بوينت كحل كريمي من لوريال جمممممممميل ♥♥♥♥♥ 
سواده وثباته وحتى قوامه مرره حلو .. ب 77 ريال بس كان في خصم 20 ب الميه على ركن لوريال واتوقع صار ب الاربعينات او شي كذا انا مشيت ع اساس كلام الي تبيع وحاسبت وضيعت الفاتوره :"(
 بس اتوقع انه اغلى من كذا لأن الخصم بس 20 ماعلينا من هالسالفه المهم انصحكم فيه :P .. 



وانا ماره صيدلية وايتس بالصدفه مريت ركن ايسنس ولقيت هالمحددات الخطيرررره .. 
الي خلاني اخذها بدون تردد سعرها 7 ريال بسس ..
تجنن قوامها كريمي حلوه ناعمه والوانها حلوه .. 




من ميك اب فور ايفر شريت الاساس الخطيررر .. اسمع عليه مدح من زمان وجربت ريفلون فوتو ريدي ع اساس يقولون انه نفسه ومدري وشو بنات لاتصدقون ترا هذا والله احسن :P .. والاهم من كل شي تختارين درجتك الصحيحه .. ♥♥ ب 180ريال من سيفورا  لما شريته بس كل مالهم يرفعون الاسعار مدري وين بيوصلون ! :/ 

والشي الثاني ماسكرا سموكي لاش .. ماخلاني اشتريها الا هالصوره !


 اهم شي مآك الي مستحيل ادخل السوق وما امره حتى لو ما اشتري بس احس بدت تجيني حالة ادمآن :"(  ! 
بودرة ستوديو فكس درجتي nc35  ب 160 ريال , ومينرالايز سكن فنش ناتشورال ميديم دارك واحسها غامقه شوووي بس مايأثر ب 140 ريال  .. 
والبلش الخطيرر حبيت درجته مررره طبيعيه ونهاريه وجميله .. اسمه MELBA مات وحلو .. ب 110 اتوقع 






 هذا العطرر الجممميل شريته قبل فتره كانو حاطين عرض دبنهامز عليه مع اللوشن وماسكارا ب 350 مع الشنطه الي وراهم ماتوقع اني بستخدمها بس العطر ريحته تجنن وفخم ♥♥♥ 




 اشياء هايبر بندهـ :P 
الي باليمين جديد حبيت فكرته انه علاج  لتساقط الشعر والحلو فيه انه مثل المويه مايزيت الشعر لأنه ينبخ على الجذور بعد كل استحمام ومكتوب ان النتيجه تبين بعد 4 اسابيع .. رآح اخبركم ب النتايج وسعره 34 ريال ..

ثاني شي كريم فازلين اللون الموحد , وكريم نيفيا لليدين حبيته لأنه ب زيت الاركان وريحته حلوه ب 12 ريال .. 
الاخير مرطب للبشره من كلين اند كلير بما انه تطلع لي حبوب في وجهي الي حبيته فيه انه بدون عطور ويحتوي على البنزويل بروكسايد العلاج لحب الشباب حسيت اني لما احطه يبدا وجهي يبرررد كأني حاطه شي فيه نعناع بس هو بدون ريحه .. 
انا ماستخدمه كثير لأني حاليا اعالج ب الروكتان بس حبيته :") .. 




 آخر شي من الامازون بخاخ قريت عنه بالكيراتين ينحط عالشعر قبل السيراميك .. ماحبيت ريحته شوي قويه جوز هند واشياء قويه .. 
والي ورا مو واضح زي الاركآن اخيررآ ♥♥♥♥ :$ .. من الامازون برضو ب 100 وحآجه :$ ..
والي قدآم مزيل مناكير سيفورا ب 49 .. مدري ليش كل مالهم يرفعون الاسعار :/ .! 


وبس هذي اغراضي الي مابغت تنزل :/ اتمنى تعجبكم وتستفيدون من شي .. 
عطوني رآيكم .. :$ واي استفسار تفضلو .. 

وفي امان الله ..