ميك آب الجآمعه + تجهيز شنطة الطوآرئ .. ♥♥ :: Back to school series
من
زمممممان ماكتبت شي واحس متغير علي البلوق :P
حبيت
ابدأ بسلسلة لبنآت الجامعه على طلب كم بنت وو يارب اوفق فيها وتعجبكم .. ❤
اليوم
ان شاءالله راح اتكلم عن المكياج الي تحتاجه أي بنت بالجامعه والاشياء الاساسسيه الي لازم تكون معها
بالجامعه .. ❤❤
بدآية
اللوك الي نبي نوصل له وجه نظيف هادي جميل
يفتح النفس منور بدون أي تكلف يعني باختصار وجه من اول ماتشوفينه تقولين صبآح
الخيرررر ❤_❤
يعني
الي نحتاجه ( بشره موحده , العيون سواء ماسكرا او ايلاينر , بلشر وروج ناعم ) ❤
وبما انه اغلب الطالبات ماعندهم وقت بالصباح سوآء ياخذها سواق او باص خاص
او باص الجامعه لازم تنظم اغراضها وتعرف هي ايش راح تستخدم .. هذا ترتيبي للميك اب
عشان يسهل علي الوصول له بالصباح ❤❤
اجمع
كل الاغراض الي بستخدمها يوميا ب مقسم .. هذا الجمميل اخذته من دايسو ب 7 ريال *
يابلاش *
اخليه
ع جنب بعيد عن باقي حوسة التسريحه والميك اب الثاني ..
::
طبعا بعد مانصحى من النوم ونسوي طقوسنا الخاصه بالبشره من غسول وترطيب وو ...
اهمممم خطوه الي جامعتها مفتوحه وصاكتها الشمس الواقي عشان ماتنعدم البشره
وانا استخدم حبيبي من بايوديرما ..
وو
نبدأ الميك اب .. ❤
اول
شي تستخدمين الي يريحك سواء بيبي كريم او تنتد مويسترايزر ( مرطب ملون ) الي يريحك
المهم شي يعطي رونق للبشره ويوحدها لنا
ولا أوئيد * ماعرفت اكتبها :P
* كريم الاساس لأن راح
يكون ثقيل عالصباح + يوميا بتنعدم البشره ! الا اذا كنتي متعوده ومرتاحه مع هالشي
فشوفي الي يناسبك لاتتقيدين بخطوآتي .. :$
بيبي
كريم قارنيه الكللل سبه !!
وانا
كنت حاطته من ضمن مفضلاتي بس جت فتره وكرهته بسبب ريحته حسيت العطر بزياده تعب
بشرتي !
لكن
طحت عالجممممممميل الطويل هذا جد جددد فرررررق .. ❤❤
اول
شي هذا بدون ريحه , مخصص للبشره الدهنيه * على ان بشرتي حاليا جاااافه * بس
حبيييييته مره جمميل وقوامه خفيف وحلوو ومايكتم البشره ..
بالنسبه
للمرطب الملون هذا من بنفت فيه لونين شي فاتح وشي ع برونز شوي .. ❤
الفاتح
ذا حبيييته جدآ لأن لونه مايل ع صفار اعشق أي شي يميل ع هاللون ججدآ جميل ..
بس
عيبه الوحيد الي ممكن مايناسب البشره الدهنيه احسه دهني شوي ينفع للبشره الجافه
عشان يرطبها ..
بس
حبيته يعطي قلوو للبشره كذا شي صحي حلوو .. وفيه ريحه قريبه لريحة الياسمين
ماحبيتها بس ماكرهتها !
بعد
كذا انا احب احط باودر المنرالز من ماك لونها شوي اغمق مني ف اوازن فيها لون
البشره واعطيها دفء ع اطراف الوجه او بالاصح اماكن الكونتور .. هو مو كونتور بس
مجرد تدفئه !
بعد
كذا استخدم الكونسيلر اذا عندك هالات واي اثار حبوب ب الوجه او كذا
طبعا قبل خطوة الباودر ..
* بس نسيت اصوره معاه * :$
الكونسيلر
فيه خيارات كثيررر بس اهم حاجه عندي يكون خفيف عالبشره من مآك افضل خيارين اما select cover up أو select moisturecover كل الاثنين خفيفات مع تغطيه متوسطه حلوين .. وحق
ريميل match
perfection عادي ماحسه يسوي تأثير مره بس ينفع تحت العين
لو ماعندك هالات قويه يعطي نور خفيف بس ..
الي حابه تستخدم فكس بلس كخطوه اخيره تعطي شوي حياة
للبشره ..
(
فكرة ) اذا كنتي من النوع الي يحط مكياجه بالجامعه خذي معك علبه صغيره عبيها فكس بلس
حلو يكون معك بالشنطه وبنفس الوقت ماتشيلي علبه كبيره معاك ..
جينا لـ اهمممم
حاجه الحواجب الحواجب الحواجب ...!
الي
حواجبها طبيعيه ومو محتاجه تضبيط لاتلعب فيهم ولاتفكر بالتشقير وحوسته لأن بتندمم
:P
هذي
عدتي بالحواجب ^
اول
شي جل الحواجب من اتش اند ام امشط حواجبي فيه هو مايثبت ف عشان كذا امشط فيه ..
بعدين
ابدا الرسم يا اما بالبودره وعندك خيارات كثير من ضمنهم بودي شوب و مكيآجي وفيه ب بنفت او سيليك ..
وانا
احس حقت مكيآجي افضضل ..
او ممكن ترسمين بالقلم , حقي من ريميل وحلو ورخيص .. اعبي الفراغات فيه .. بس عيب القلم بشكل عام يطيح شعر الحواجب ف ماستخدمه كثير بس للترتيب ..
استخدم
برسم الحواجب فرشة سيجما او مكيآجي كلهم حلوآت ..
اخر
شي امشطهم ب الجل مره ثانيه عشان تترتب وتصير طبيعيه اكثر ..
اهم
شي تصير الحواجب مرتبه ولايقه لوجهك ابعدي عن حركات الموضه لأن هالشي غلط مافي شي
اسمه موضه بالحواجب شوفي الي يناسب وجهك وصلحيه ..
نجي
للعيون الي تحب تحط آيلاينر خفيف عندها سايل من ريميل برضو حلو وريشته سهله ..
او
جل اذا حابه من ميبلين و لوريال حلوين ..
والي
مو حابه ايلاينر مثلي تكتفي بالماسكرآ احسها تغني عن اي شي ثاني زياده ..
الحمرا
من ميبلين هذي عشششقي .. والاورنج ريميل قد تكلمت عنها ..
والبلشر
اهم شي يكون لون صبآحي رايق احححب حق سيفورا لونه جمممميل
اسمه
romantic
rose رقمه 10 ..
والي
من ريميل فيه شيمر خفيييييييييف مره ومايبين بس يبي بشره صافيه يعطي نور كذا شي
جميل بس الي تخاف من الشيمر لاتجربه .. شوفوه بالمحل واحكمو .. لونه pink sugar
آآآآخر
حآجه الاروااااج .. ❤❤❤
احلا
شي بالصباح الارواج الهاديه الي تميل للحميات والوردي .. اكره الاحمر والعودي
بالصبااح !
كل
وحده وحريتها طبعا .. بس هذي اقتراحاتي
يمكن الالوان مبينه غامقه بالصوره بس هي مره فاتحه ..
وهذي سواتشات ..
من اليمين tea rose من NYX
بعده rimmel kate 05 ...
rimmel matte 103 ...
inglot 410 .. ماحصلت له سواتش بس هو لحممي غاممق كأنه بني بسس درجته حلوه ..
mac cosmo ..
::
بالنسبة لشنطة الميك اب ❤❤
افضل تكون شي عملي وصغير
ويناسب شنطة يدك
وعشان
ماتثقل عليك على غير سنع * اعرفنا يالبنات أي شي نحطه بالشنطه :P *
ناخذ
حاجات خفيفه (( مرآيه , روجين , قلم الحواجب لأي تعديل , شرآئح الشمعيه لأمتصاص أي
دهون تطلع لك ( خطأ كل شوي تعدلين ببودره لأنك راح تطلعين مشهبه ومكتله ) , بلشر ,
فرشة كابوكي لأنها صغيره , كريم يدين صغير عشان مايضيع بالشنطه الكبيره وبأي وقت
تعدلين روجك تتذكرين وترطبين ايدينك :P ))
وماننسسسى
اهمممم شي عند البنات ..
البنس
عشان ماتضيع حطيتها على كرت عندي + ربطه وشباصه احتيآط .. وبسس ..
::
آخر
شي بتكلم عنه شنطة الطوارئ ,
طبعا
ماهتميت فيها الا بعد ماحسيت بقيمتها وهي اهمممم شي لازم تفكرين فيه
من
فينا مايصادفها أي امرر طارئ بالجامعه
خصوصا اننا نقضي فيها وقت طووويل !
من
اشد الامور ( البيريود * الدورة الشهرية * لازم يكون عندك احتياط حتى لو مو موعدها
احرصو يابنات على هالشي خصوصا المستجدآت ..
صدآع
, التنوره او البلوزه انقطعت K
, انجرح اصبعك والعياده
بعيده , انكسر اظفرك * هذي اليممه * ) ومن هالامور ...
اهم
شي بالنسبه لي قطرة عيون الي استخدام واحد ,
مسحات
طبيه + لصق جروح ..
مناديل
معقمه ديتول او غيرها ومعقم اليدين ..
مناديل
..
كوتكس
..
خيط
وابره ..
مبرد
اظافر ..
بنادول
..
مناديل
تنظيف العبايه سواء لعبايتك او تنورتك .. * صيديلة صارت *
لاتقولون وييين رآيحين البر ولاشيء :P بس
صدقوني هالحاجات كثير مهمه وبتحتاجونها
كثير .. اهم شي تكون اغراضك الخاصه عشان ماتحتاجين لأحد .. من المواقف الي ارعبتني انو انشقت تنورتي ! طبعا اضطريت اترك محاضراتي واطلع ! حلآتي جالسه اتمشى فيها بعد :P
وكمان
لاتحسونها كثيره ترا كلها اغراض خفيفه وعاديه وتدخل بالشنطه الصغيره بسهوله ..
يا
اما شنطه صغيره مخصصه او بوكس كيووت لو عندك لوكر تحطي فيه اغراضك ويخفف عليك ..
وبسس
هذي تدوينتي لليوم يارب اكون افدت احد ..
بليز
بنآت انشرو الموضوع وادعموني اكثر ..
أي
سؤال او استفسار انا موجوده هنا او بتويتر هذا حسابي
@712_beauty
حسابي
بالانستقرام beautyangel1990
وان
شاءالله بكمل معكم السلسله لما اشوف تعليقاتكم الحلوه ..
شاركوني باغراضكم الي بشنطة الميك اب .. ❤❤
5 التعليقات: