تقرير : عنآيتي ب بشرتي وتجربتي للـ روكــتآن .. ♥♥
بسم
الله الرحمن الرحيمم ♥
السلام عليكم ورحمة الله وبركاته ♥♥
كيفكم وش مسويين ؟
اول شي حابه اخبركم ان البوست طويل حبتين ف
الي تبي تكمله تجيب لها كوفي او عصير او أي ترويقه وتجي تكمل ♥_♥
مثل مانتو شايفين الموضوع اليوم راح يكون عن
حب الشباب وكيف تخلصت منه .. ♥
راح ابدأ اقولكم نوع بشرتي :
مختلطه معرضة للحبوب ب كثرة وحساسه ودلووعة
لأبعد حد يعني لو اهملها يوم واحد الثاني تعاقبني ب حبة او غيره !
هذا غير الرؤوس السوداء ! ="( يعني بشرتي متعبة جدآ جدآ !
قصتي مع
حب الشباب :
اول
شي بدأت تطلع لي لما كنت ب المرحلة المتوسطه وكان شي مره متعب ب النسبه ل مراهقة !
=( كثير اطل ب المرايه واقول ليش انا كذا =( < ي عمري رحمتني :P
على
ان الحبوب كانت فقط ب الجبهة وصدري .. بس كان شكلها متعبني !
مره
وانا عند التلفزيون مر علي اعلان عن مستحضر يعالج حب الشباب وكان عبارة عن جل شفاف
مستخرج من الحلزون واشتريته على طووول بعد موافقة امي ♥ وقتها ماكنت افكر اني
اروح لدكتورة جلدية .. واشتريت المنتج واستخدمته .. كان ينطبق علي المثل ( الغريق
يتعلق ب قشة ) وانا كنت ابي أي شي يخلصني من هالحبوب ! بعد فترة بسيطه شافتني
صاحبتي وقالت لي ان بشرتي تحسنت وكثير فرحت بس ي فرحة ماتمت ! الحل كان مؤقت
رجعت لي الحبوب لكن هالمره امي اخذت لي موعد
ب مستشفى الملك عبدالعزيز الجامعي ب الملز عند الدكتوره قمر الاوسي ..
طبعا لما شافتني صرفت لي كبسولات مضادات
حيويه + مقشر ريتن أي + الدوكين فور + معقم دالاسين T
..
( الوصفه المشهوره عند الدكاتره :P
) ..
استخدمتها مدة 3 شهور لكن مافي تحسن ملحوظ !
=(
لما رحت لها الموعد الثاني كلمتني عن
الروكتان بس ماقالت لي شي غير انه العلاج غالي جدددآ وانا ماكنت اعرفه ولاقد مر
علي وجا في بالي انه ب الآلآف :P وطبعا
رفضت لأني خفت منه !
وعطيت نفسي فرصة ثانيه على نفس وصفتها قبل
.. النتيجه مو راضيه تبين كان شي مرره مأثر ع نفسيتي ! =(
انسحبت ولجأت للخلطات الطبيعيه والمره واي
شي يقولون انه زين للحبوب جربته وحطيته ع وجهي ( كان يعاني المسكين =( ) !
جلست فترة طويله على هالحال لين صرت ع نهاية
المرحلة الثانويه قررت استسلم واروح اخذ الروكتان عشان ابدأ بداية جامعية جميله =(
..
رحت لها وشرحت لي آثآره وسويت التحليل بما
ان المستشفى حكومي ف كان مجاني ( التحليل عن وظائف الكبد ومستوى الكولسترول ب الدم
) يعني الي بتحلل ع حسابها لايلعبون عليها ويقولون صلحي تحليل شامل لأن مايحتاج !
وقتها كان وزني ب الاربعين عشان كذا صرفت لي
جرعة 30 مليجرام .. ب الصيدليه مافي الا 10 مليجرام و20 اشتري العلبتين واكلهم سوا
.. طبعا مامر علي 4 شهور الا وانا مبسووووووووطه من النتيجه الي طلعت فيها وبشرتي
رجعت جمميله ♥♥♥
العلاج نشف بشرتي ونشف كل الدهوون الي كانت
فيها وظهري وصدري صارو صافيين وبشرتي بس المشكله اني انا خربت كل شي بيديني ! =(
كنت افكر بما ان العلاج ينشف الدهون عادي
اكل دهون ! وهالشي مررره غلط ! =(
كثرت مقليات ودهون وشيبسات وشوكلت لححد ماجا
موعدي الجديد ورحت لها ! قالت ان الكولسترول مرررتفع جججدا وان لازم توقفين العلاج
!
( العلاج بنفسه يرفع نسبة الكولسترول وهذا
طبيعي بس بعد الكورس يرجع لطبيعته ) بس انا خربتها ورفعته زياده ب نظامي !
لما قالت لي وقفي الكورس كانت صدمممه كبيره
ب النسبة لي بس قلت دام ان بشرتي صفت الحين الحمدلله ..
استمريت ع نظام عادي غسول للبشره ومرطب كل
فتره والثانيه تطلع لي حبه او حبتين واعالجهم ب المره او بالمعقم وكذا ..
لين بعد 3 سنوات من الحكاية رجعت لي الحبوب
بشكل هجوووووومي ماتتصورونه ! طلعت ب اماكن ماكان يطلع لي فيها اول خدودي ودقني
وجبهتي وصدري وظهري بكل مكااان !! شي مررره اثر ع نفسيتي خصوصا الحين انا ب
الجامعه !! وكانت تحت الجلد وكبيره وتألم تقريبا كذا شكلها !
بس المشكله اني سويت نفس اول لما قلت بعطي
نفسي فرصه ومارح الجأ للروكتان على طول ! يعني سويت بلاوي للأسف !!!
1)) شفت الجميله هذي ومقطعها الي انتشر
بقووه وتوكلت على ربي وشريت المجموعة الي استخدمتها !
هذي صورتها الي مو حاب يشوفها يعدي الصوره :P
بعد ماشفت الفديو صار عندي امل ان ان
شاءالله هالشي راح ينفعني ورحت طلبته من
موقع acne.org خصوصا بعد ماشفت اكثر من
وحده ب اليوتيوب يستخدمونه وتكلمو عنه من ضمنهم هذي الجميله ♥
وهنا صورة لمجموعتي !
عبارة عن غسول وعلاج ومرطب :
1/ الغسول عادي ينظف وموب شين ..
2/ العلاج وهو الزبده عباره عن بنزويل بروكسايد بتركيز
2.5% له طريقة بالاستخدام ان نحطه ب الصباح واول اسبوع كميه صغيره وكل اسبوع نزيد
الكمية بالتدريج وبالليل كمان ينحط صراحه حرقني مرره وزاد لي الحبوب واستمريت عليه
فتره وكل مره اقول اكيد الحبوب الي تطلع هذي لأن العلاج يتشغل بس وقفت ب فترة فقدت
الامل ابيه ينفعني ومانفع وبشرتي تحسست مررررره .. وخفت ووقفته !
3/ المرطب حقه خفيف مره ويحتوي على زيت الجوجوبا بكمية
بسيطه بس مايرطب زين يعني ينفع للبشرات العاديه بس ماينفع بوقت تقشير وجفاف ..
( هذي تجربتي معه مو شرط الكل مثلي ممكن مانفعني بس ينفع
غيري ) ♥
·
2)) رحت للصيدليه وشريت اغراض من بيوديرما بعد ماقريت عنها مدح
غسول ومقشر
وكريم للآثار + H2o استخدمه كـ تونر ..
الغسول ماعليه
حلو ومايجفف البشره بس ماله أي علاقه ب الحبوب
الكريم ماشفت
منه أي فايييده !
الـ H2o برضو ماحبيته حتى مايشيل ميك اب مضبوط وكثير
يقولون الوردي افضل !
·
3)) رحت اشتريت غسول افين لما قريت انه حلو برضو وعجبني مرررررررره خصوصا انه ينظف
كويس بدون مايجفف البشره فيه نسبة بنزويل بروكسايد بس حسيت ماله أي علاقه ب الحبوب
لانه ماسوا شي مجرد ينظف الوجه ..
واشتريت معاه مرطب للوجه من فيتشي قلت اجربه
صح حلو ومايدهن الوجه بس ماحبيته لأن فيه ريحة عطر واضح هوانا بشرتي حساسه جدا =(
·
4)) عطتني صاحبتي شرائح كليراسيل لما شافتني مررره يائسه قالت يمكن تساعدك =(
جربتها
بس مثل مانتو شايفين ب الصوره هي عباره عن قطنه دائريه فيها زي مربعات صقيره يعني
مو ناعمه وخشنه استخدمتها وكانها تقشر يعني ماتنفع للبشره الي فيها حبوب راح
توجعها بس حسيتها تنفع للخشم تشيل الرؤوس السوداء مع الاستمرار .. ♥
· 5)) وحده مدحت
مستوصف ورحت له عند دكتور مصري مارتحت له صراحه قالي من الآخر علاجك الروكتان !
قلت لا اني مابي اتسرع بعطي نفسي فرصه بالعلاج العادي قال براحتك وصرف لي كبسولات
دوكسيدار وكريم ديفرين و دلاسين T
..
وقالي لاتغسلين وجهك =| بس مويه واستخدمي
صابونة ايدك العاديه أي صابونه =| بس ابعدي عن الديتول ! طبعا ماقتنعت ب كلامه
وقلت له ان عندي بيوديرما و ايفين قال انسسسي كل هذي مجرد دعايات وان لاتغسلين
وجهك اصلا =| قلت لكم اني مارتحت له =S طلبت واقي وبغيت احب راسه ب
الغصب كتب لي مايبيني استخدم شي اخر شي كتب لي واقي سيتافيل هو فيه ريحه زي باقي
الواقيات بس ثقيلل مره وعادي مايدهن الوجه مره يعني وسط زي أي واقي حسيته عادي بس
اهم شي ماضرني الحمدلله .. المهم استمريت ع علاجه فتره اقنع نفسي ان فيه نتيجه لكن
للأسف =( !!! ..
· 6)) بعد هالتجارب الفاشله
وانا احس ان حبوبي كل مالها تتدهور !
ورحت الصيدليه
شريت كريم بنزاك تركيز 5% وثاني تركيز 10%
بديت ب الـ 5 فتره
ينشف الحبوب بس
مايشيلها تطول ع ماتروح وتبقى ناشفه !
لما بديت ب
ال10 وجهي احترق ! =(
اضطريت اني استخدم كريم فيسودين الاحمر عشان
الاتهاب فتره لين خف الحمدلله .. بس انا ( أ ج ر م ت ) في بشرتي !
تجربتي مع
الروكتان
·
آآآخر شي
استسلمت !
ورحت اخذت موعد
بنفس المستشفى الي كنت اروحه اول الملك عبدالعزيز الجامعي في دكتورة مرره عسل
اسمها حصة الشهوان صح ان مواعيدهم تتأخر
بس انا كنت مقتنعه ان المستشفيات الحكوميه نفسها الخاصه بس الفرق ان الخاصه
طلباتهم كثيره طبعا للمكسب بس واغلبهم يطلبون اشياء بس كذا لمجرد الربح وهي مالها أي
فايده ..
سويت التحليل
وتوكلت ورحت لها ..
اول مادخلت
عندها شافت تحليلي وقالت انه كويس ♥
واول ماشافت
وجهي قالت روكتآآن ="(
هنا اقرأو اكثر عن الروكتان تكوينه وطريقة عمله ومعلومات اكثر
ماقولكم قد ايش
فرحت لأني رايحه ومستسلمه ع اساس ابي روكتان وكنت خايفه ترفض !
طبعا خبرتها
اني اخذته قبل مدة 4 شهور فقط وشرحت لي آثآره وقالت لي ان 2 بس من بين كل 10 اشخاص
ياخذون الروكتان ترجع لهم الحبوب ويحتاجون
كورس ثاني فـ كيف انا الي اساسا ماخلصت الكورس الي المفروض يكون بين 6 الى 8 شهور
! وبرضو قالت لي ان حتى لو ارتفع الكولسترول ماكان له داعي اني اوقف العلاج واني
اقدر اخذ علاجات تنزل الكولسترول اما اني اوقف الروكتان مره وحده هذا مو حل !
قست وزني
وماشاءالله 54 وراضيه عليه =$
كانت الجرعه
المفروض 40 مليجرام بس قالت لي ابدا ب 30 عشان يتقبل الجسم ب التدريج يعني ..
وبرضو سألتها عن بدائل الروكتان وانه طلع علاجات ثانيه لها نفس المفعول وقالت لي
انها كلللها نفس التركيب وان الروكتان اشتهر ب البدايه لأنه اول علاج واخذ براءة
اختراع بس بعده بدأت الشركات تنتج نفس التركيب ب اسماء مختلفه واسعار مختلفه يعني
زي الفيفادول والبنادول كلها مسكنات الم وكلها تقريبا نفس التركيب بس اختلاف
الاسماء بس بسبب اختلاف الشركات المصنعه .. عشان كذا كتبت لي الاسم العلمي للعلاج
بالوصفه عشان لما اروح الصيدليه يطلع لي اكثر من خيار واخذ الي يناسب فلوسي ..
طبعا اخذت الزيراكتان هوا نفسه نفس الروكتان لكن ارخص شوي .. ( نفس الي ب الصوره والاسعار على العلبه )
ونصحتني ابتعد
عن الدهون بس ما احرم نفسي يعني عادي لو مره ب الاسبوع او كل اسبوعين اكل من برا
وابتعد عن الشيبسات والمقليات ومو شرط ابتعد عن الشوكلت لأن في دراسه تقول ان مو
هي السبب ب الحبوب لكن لو اكلت شي وحسيته زاد لي الحبوب اوقفه .. ♥♥
وقالت لي ما
العب ب وجهي اهم شي الغسول والمرطب وواقي الشمس ♥
الغسول قالت لي
استخدم من كلين ان كلير بس قلت لها ان عندي افين قالت حلو اذا خلص اشتري عادي من
كلين اند كلير .. واهم شي حرصتني عليه ان واقي الشمس مايكون كريم ابببدآ !
اختار ياجل او fluid
طبعا الكريم بيكون ثقيل ويناسب البشره الجافه بس
اتوقع انها قالت ابعد عنه عشان مايسد لي المسام وان ال fluid اخف بالقوام ف يناسب البشره الدهنيه ..
الي ع اليمين هو الي نصحتني فيه بس اليسار هذا كنت استخدمه قبل .. ♥
واهم شي برضو ترطيب الجسم والقطره ب العيون
.. ..
وهذا نظامي الحالي بس اغسل وجهي واحط المرطب
واذا بطلع احط الواقي وب الليل احط الكريم من شركة ليفيان مكوناته طبيعيه هو يرطب
البشره ويساعد ب تفتيح البقع ♥ واهمم شي عندي القطره .. والي حكيتكم عنها الي
زي الجل هذي الخضرا هي احلى شي جربته لحد الآن .. ♥
♥
النتيجه //
ماشاءالله بدت
تصفى بشرتي والنتيجه وضحت بسرررعه على ظهري وصدري بس بشرتي بالبدايه طلعت لي حبوب
الي تحت الجلد بعدين كثرت الرؤوس السوداء مرره هذا ب اول اسبوع بعدها كل شي راح من
نفسه ومع الاهتمام وبدا يخف كل شي ب التدريييج .. يعني الي بقى شوية اثار وان
شاءالله بتخلص منهم .. حاليا كل الي اخذته 3 شهور بس ان شاءالله راح اكمل معها لين
اخلص الكورس ♥♥
الاعراض
الجانبيه //
جفااااااااف ب
البشره والجسم لو مارطب اول ب اول يصير كل جسمي قشور بيضا ووجهي ينشد ..
العيون جفاف
فضييييع لدرجة اني صرت البس نضاره عشان الهوا مايدخل عيوني واحس نضري ضعف شوي ..! وهو
اككككثر شي تعبني .. =(
استخدمت قطرة
ريفرش الي استخدام واحد بس ماحبيتها صايره كأنها مويه ماتنفع بب حالتي ابد .. رحت
الصيدليه وعطاني قطره قوامها ثقيل كأنها جل للجفاف الشديد وصرت اقطر منها كل
ساعتين او 3 ..
صار عندي الآم
ب المفاصل والظهر مرررررره احس عظامي صارت جامده لو اطول ب الجلسه واقوم احسني
ماقدر اتحرك !!
الحمدلله شعري
زي ماهو ماحسيت زاد التساقط او شي ..
واهم شي
الحمدلله مانحفت :P
بالنسبة لي كل
شي يهون بمقابل اني اطلع ب بشره نظيفه وحلوه ="( !
ومن الجفاف
برضو يسبب رعاف يعني الخشم يصب دم الله يعزكم !
وهالشي مررره
نكبني ب اختبار الفاينل تخيلو موب وقته وانا احل =""(( !
( حومت كبودكم )
قالت لي الدكتوره ان لازم تدهنين فازلين ب
خشمك =( وما انسى ترطيب الشفايف
طبعا اهممم شي
اني بديت امشي ع نظام صحي ب الكل خضار وفواكه واحاول ابعد عن الدهون واكثررر مويه
قد ما اقدر ♥♥
اهتميت ب ترطيب بشرتي كثيير ومن اهم
المرطبات ب الصوره :
فازلين الوردي
يرطب بس مايوحد اللون ولا شي بس ترطيبه حلو
نيفيا خفيف جدا
مايرطب زين ..
دوف يرطب وحلو
..
زبدة المانجا
برضو حلوه وترطب ..
الجلسرين حبيب قلبي يرططب من قلبب ♥♥
كريم نيفيا
لليدين جمممميل ♥
زيت الاركان للبشره مرات ب الليل قبل انام
اسوي مساج خفيف لبشرتي ♥
احلى
شي ب الحيآة المكيآج =$ ♥
♥
وطبعا ب فترة
العلاج مو حلو نكثر مكياج ونكتم البشره ف كان نظامي جدا عادي وراح يستمر هاالنظام
خصوصا اني راح ادرس الصيفي ب إذن الله ..
المرطب للبشره والواقي ولو حسيته مدهن شوي
بودره ماكثر واحب المنيرالايز احسها خفيفه وجميله وطبعا ارتب حواجبي شوي واضبطها
والروج من ميبلين لأنه يرطب الشفايف مررره احبه ♥
♥
ولوو كنت رايقه احط شوي بلشر وبسسس ♥
♥
هذي ارواج ميبلين الوانهم جممميله وقوامها اجممل ( حطيت فوق كل روج رقمه ) ♥
♥
نصائح //
اول شي ادري اني طولت ب الحكي لكن ابي انقل التجربه من
اولها مضبوط عشان أي بنت تستفيد وعشان لما كنت محتاجه أي معلومه وادورها ومالقاها
يضيق صدري اتمنى أي بنت تدور لو نص معلومه عن أي شي قبل تجربه تستفيد من تجربتي ..
♥♥ بس مو شرط الي ناسبني يناسبكم والي ماناسبني
مايناسبكم :P
لوكنتي تشتكين من الحبوب اوووول شي لازم ماتلعبين فيها لا
ب المواد والتخبيص ولا ب اللعب ب الاصابع ! بكل الحالات انتي تزيدين الوضع سوء ..
واحسن حل انك على طول تتوكلين على ربك وتروحين لدكتور مختص ب هالامور ♥ لأن الدكتور اخبر منك وممكن تستخدمين شي يضرك
بدل ماينفعك ( مثلي :$ ) الافضل ان الدكتور يحدد لك اللازم ♥
انا مامدحت ب الروكتان عشان تطيرون تطلبونه او تشترونه واساسا
هو لازم وصفه طبيه وممنوع للحامل بس لو حستو انكم محتاجينه روحو للدكتور لو حدد
لكم علاجات عاديه جربوها وان مانفع روحو للروكوتان لأن ممكن يناسبكم العلاج العادي
بدون ماتضطرين تتعبين مع الروكتان ..
آخر شي انا عارفه اني طولت عليكم بس ربي العالم ان كل
الكلام كتبته من قلبي ومابي الا انكم تستفيدون واي احد يستفيد يدعي لي ب التوفيق ♥♥
كل الي كنت ابيه اني احكي لكم كل شي ب التفاصيل عشان أي احد
يمر بنفس الحاله مايمر ب تجربتي البائسسه ويآآآرب اكون وفقت ب الطرح واكون عند حسن
ظن الجميع ويارب اكون غطيت كلل الموضوع بس لو نقص شي ودكم تسألون اتقبل كل الاسئله
بصدر رحب .. ♥♥
الموضوع انطلب مني كثير من جميلات وهو اهداء لهم بس اااسفه
اني طولت ♥
احبكمم ♥♥
ادعموني اكثر والي ماسوا لي فولو هذا حسابي ب تويتر @712_beauty
وهذا حسابي ب الانستقرام beauty___angel@
وشكرا لكل من زار هالصفحة .. ♥♥
ياعمري والله عانيتي كثيييير :"(
ردحذفالله يعينك ويبعدها عنك ويارب تروح منك هالحبوب بجد عشت المعاناه معاك وانا اقرا :(
بوست مفيد حبيته يعطيك العافيه حبيبتي ♥
ايوه شوفتي كيف :"( ..
ردحذفحبيبتي والله ربي يسععدكك مشكوره ..
ربي يعافيكك ♥♥
شسم القطره حقت العين الجيدهه
حذفومتى ابدا ارطب وواقي الشمس شنو نوعه واسمه بليز
اوووه صديقتي الروكتانيه :*
ردحذفلبى قلبك يا شيخه حبيت البوست كثير انا راح ابدا الروكتان هالفتره ان شاء الله
وراح انزل سلسله كامله عن المراحل تبعي بالصور
البوست هذا انتي فيه ما تشرحين حالك وبس انتي تفتحين عيون البنات وتنبهينهم
جميله نصايحك والحلو انك تطرقتي لكل شي منتجاتك شبيهه لمنتجاتي كثير هههههههه
حمستيني ابدا الكورس بس للاسف عندي جلسه ليزر للجسم ف ماراح ابداه الا ع بدايه الاسبوع الثاني
شكرا يا جميله :*
صديييقتي الروكتانيه هههههههه :$
حذفحلوو حمستيني اشوف مراحلك
ي حياتتتي انتي ان شاءالله بتخلصين الليزر وتبدأين الكورس ♥♥
طمنيني عليكك ♥_♥
العفوو حبيبتي :$
حياتي .. الحمد الله
ردحذفاهم شي لقيتِ شي يناسبك
و موفقه في الصيفي :*
~ توافيق
ربي يسلمكك ي قمر ♥♥♥
حذفمساء الخير عزيزتي.
ردحذفانا هذا أول يوم ابدأ بالروكتان ، وفي حال حبيت اطمن نفسي دخلت
على موضوعك ،كثير متخوفة منه وتقريبا نفس حالتك
الحبوب قبت بوجهي كثير ، صحيح بمناطق محددة بس شكله بشع
الدكتورة ماصرفت لي ترطيب بس صرفت لي القطرة والواقي مع
غسول طبي مش عارفة اذا فعلا زين أو لا ،
والمرطب شريت فازلين ،
بس بعد ما مر شهرين على أخذك للدواء ايش لاحظتِ
لانو عارفه باقي بس شهرين على الجامعة
وعارفة كيف تأثر على النفسية وكذا
كيف كنتِ تتصدين لهالمنظر الجديد من بشرتك
والجفاف كيف كنتِ تتعاملين معاه نهار الجامعة
مش خايفة من آثاره كثر خوفي من حالتي النفسية تجاه
الشكل الجديد وتقبل نفسي او غيري له..
يعني ابغي تقولين لي كيف تصرفتِ مع نفسيتك بالجامعة
خلال أكلك للدواء ، والسؤال الثاني بعد ما يمر شهرين
ايش لاحظتِ ؟
وشكرًا كثير يا مال العافية
مسآآء الانوار ..
حذفعارفه طولت كثير عليك ججدآ اسفه ♥
وانا جايه اطمنك مع اني متأكده مره شهر او اكثر ع اخذك للعلاج ..
طبعا الشهر الاول بالنسبه لي طلعت حبوب زياده شوي والرؤوس السوداء كمان
بس مع الوقت بدا كل شي يختفي الحمدلله ..
التزمي بالي قالت لك الدكتوره اهم شي .. ورططططبي بشرتك قد ماتقدرين
طبعا بالجامعه اهم شي ترطبين بشرتك وتحطين واقي من الشمس لان الروكتان يخلي البشره معرضه للحرق اكثر ..
رييحححي بالك ان شاءالله تكون نفسيتك من احححلى مايكون لما تبدأ الجامعه ..
ثقققي بنفسك اهم شي وانتي اكيد جميله بالحبوب او بدونها ومو مهم تقبل غيرك لشكلك لأن هالشي خارج عن ارادتك وانتي جالسه تبذلين مجهودك عشان تطلعين ببشره حلوه لك ولنفسك قبل مايكون لنظرة الناس .. لاتخلين منظرها يأثر ع نفسيتك كثير ..
فتره وتعدي ب إذن الله ..
بعد مرور شهرين الحمممدلله الحبوب رآحت كان باقي حبه تنط كل فتره وتكون كبيره وتعور ..
بس خلاص وبقت اثار .. وبالنسبه للآثار علاجها نهاية الكورس ان شاءالله ..
العفوو ي بعدي اي سؤال انا موجوده ♥♥
أزال المؤلف هذا التعليق.
ردحذفالله يسعدك دنيا وآخره على هذا البوست المفيد جدا
ردحذفكثثثثثثثثير بنات يعانوا من حب الشباب منجد يعدم النفسية
أنا الحمدلله أخف من كذا بكثير الحمدلله
تعالجت عند دكتور عادي وماصار بوجهي حبوب الحمدلله
لكن الأثآآآآآآآآآآآآآآآآآآآآر يالله وجهي مبقع جدا ومو موحد
خصوصا الجبهة .. مني عارفة آيش آستعمل ؟ إذا جربتي شيء ياريت تفيديني :(
انا مثلج بالظبط بشرتي اتعب وكل ما رحت المستشفى يعطوني كريمات واستعملها شهر واوقف لان احس ما منها فايده وتعبت نفسيا واهملتها بس الحين بديت احط اشياء طبيعيه مثل السدر اخليه قناع بويهي لين يجف عقب اغسله ولله الحمد في نتيجه بس ضعييفه جدا وشكلي بجرب الي تستخدمينه .. الواقي عنده نفسه بس احسه يخلي الويه دهني وانا ويهي دهني لحاله فماعجبني ووقفته
ردحذفالله يوفقك افدتيني جدا بتجربتك واختصرتي على الوقت والجهد
ردحذفبالتوفيق ياجميله :)
مساء الخير .
ردحذفانا استخدمتها والحين بكمل اربع شهور ومابانت النتائج .
والحبوب أحس صارت كبيره وتحت الجلد وتوجع ��
ودكتورتي ماخذه اجازه من شهر واخاف انو صار تغير أو شئ وماثر علي ��
ايش تنصحني فيه��؟
الله يوفقك عالمعلومات الحلوه ..انا الحين بالشهر الثاني لاستخدامي الحبوب والحمدلله في تحسن بس الجفاااف ذبحني
ردحذفالله يسعدك حبيبتي ويجزاك خير ويجعله في موازين حسناتك ❤️❤️❤️
ردحذفالحبوب تنزل الوزن..؟
ردحذفلا
حذفانا اخذت الحبوب من استشاره احمد العيسى لمده شهرين بس مانبهني على الاكل وسويت تحليل بس للان ماحسيت بفرق الحين ببدا بشهر جديد بس الحبوب تروح وتجي
ردحذفالف شكر لك وجزاك الله خير ،، معلومات قيمة ومفيدة
ردحذفاليوم اول يوم ليا في كورس الروكتان وطلب مني الدكتور استخدم العلاج لمدة شهر واراجع
استغربت ماسوالي تحاليل كوليسترول والكبد ومااهتميت لاني مسويتها في مستشفى ثاني وكل شي سليم
الله ييسر ونشوف نتايج تسر
يا ستي ربنا يسعدك , ريحتي قلبي الإسبوع الجاي حبدأ فيها وممررا كنت خايفة بس دحين حيت طمنتيني
ردحذفشركة تنظيف فلل بتبوك هل تعبتم من اعمال النظافة الشاقة والمتبعبة والتى تكلفكم الكثير من الاموال بالاضافة الى ضياع الوقت والجهد حيث ان تلك الاعمال تعتبر من اصعب الاعمال التى يمكن ان يقوم بها الشخص ولان تلك الاعمال تحتاج وقت ومجهود شاق فلا يمكن لفرد بمفرده ان يقوم بتلك الاعمال ولذا نقدم لكم افضل شركة تنظيف بتبوك فهى تقوم بكافة اعمال التنظيف بكل احترافية وجوده
ردحذفللتواصل ومعرفة المزيد عن الشركة
جوال رقم
0558973863
اللي يعرف يفيدني ايام استخدام الروكوتان اقدر استخدم البيبي كريم بشكل يومي يأثر او لا ؟ وشكرا
ردحذفكيف حجزتي موعد بعبدالعزيز الجامعي واي عياده ؟ ودي اخذ روكتان وخايفه
ردحذفبسم الله كأنك تحكين قصة حياتي 😂😂😂😂
ردحذفشرط ناخذ الدوا بموعد محدد، يعني لو أخذته اليوم ع 3 شرط اخذ الحبه الثانيه ع 3 الفجر؟
ردحذفينفع اخذه في رمضان ؟
ردحذف