السلام عليكم ورحمة الله وبركاته .. ♥
كيفكم واخباركم , اليوم حبيت اعرض مفضلات شهر مايو وطبعا الغرض من عرض المفضلات هو تبادل الخبرات 
والاراء عن بعض المنتجات , لأن فيه بنات كثير يفكرون ان احنا نسوي المفضلات مجرد استعراض ..! هي ماهي استعراض ابدا !
الغرض منها تبادل الفائده بيني وبين حبيباتي الي يتابعوني زي ما انا احب اشوف مفضلات كثير من البنات عشان استفيد من تجاربها انا نفس الشي حابه الباقي يستفيدون من تجاربي كمان .. بعد المقدمه الطويله نبدأ ب المفضلات :P 





 1 / زبدة المانجا من بودي شوب ريححتها ادمآآآآآآآآن صار عندي جدا جميله بس الغريب ان ريحتها مانجا بس اقرب للخوخ مدري كيف ! بالنسبه للترطيب هي ترطب واحبها كثير بعد الشور خصوصا بالليل لأن عيبها دهنيه ب زياده تبقى اثر دهني مرره ع الجلد ماتنفع ب الاوقات العاديه مادري باقي زبدات بودي شوب نفس الطريقه او بس هذي بس عالعموم انا حبيتهها .. قوامها مثل مانتو شايفين ب الصوره مو ثقيل خفيف اقرب للكريم العادي بس على اثقل شوي مدري كيف اوصفه .. 

2 / كريم gorgeous feet الوردي من بوتس للقدم مررره حلو ترطيبه وريحته وكل مافيه حلو خصوصا انه يمتص بسرعه ومايدبق اببد حبيته وراح ارجع اشتريه مره ثانيه .. ♥♥

3 / مرطب الشفايف من بيزلين بشمع النحل ترطيبه وسط مو ثقيل مره ولا خفيف مره بس حلو واجرمت فيه هالشهر ممكن لأنه يخلص بسرعه وهذا عيب صغير :P ..



مفضلات الميك اب :$ 
1 / ماسكرا ريميل scanaleyes ماتتوقعون قد ايييش كنت مستحقره ماسكرات هالشركه من تجاربي الفاشله معاه 
جربت عندهم اكثر من ماسكرا وكلهم فاشلات ومره شفت صاحبتي رموشها ماشاءالله جميله وسألتها وانصدمت ان هذي ماسكرتها 
وطيررران شريتها :P اوك حبيتها بس بنفس الوقت احس ماحبيتها مدري كيف ! هي فيها عيوب لكن الي تعرف تتعامل معها راح تعجبها  هي تكثف بقوه وتطول بس من عيوبها تكتل عالفرشه لأن فتحتة العلبه واسعه شوي ف لو ماحطيتي بسرعه ضربات خفيفه ع الرموش وسريعه راح تطلع كتل .. بس عموما انا حبيتها وتنظيفها سهل وماتطيح الرموش وكانت اكثر شي استخدمه هالفتره .. 

2 / روج ميبلين معشوقي هالفتره رقمه 315 ويجي مع اي شي واغلب وقتي احط منه .. اكثر شي حبيته فيه ترطيبه صح كريمي بس مو بزياده الي يحوس لا هذا كريمي وثقيل بنفس الوقت مدري كيف بس حلو مررره خصوصا هالفتره شفايفي جافه بسبب الروكتان وكان هو افضل روج استخدمته .. ♥♥♥

3 / فرشة ريل تكنيك وهل يخفى القمر :$ ♥♥
الفرشه ذي جممميله اقدر استخدمها مع اكثر من شغله .. اسمها expert face brush فرشة الخبراء :P اقدر استخدمها لما اوزع الكونسيلر تحت عيوني ادمجه فيها واقدر استخدمها ب الكونتور لأن شعرها متماسك  مره حلوه وانصح فيها .. 


من ضمن مفضلاتي هذا الغسول للبشره ممتاز جدا من شركة Avene بشرتي طبعا دهنيه ومرات تكون مختلطه الغسول هذا حلو مايجفف البشره بس يشيل الدهون ويحسس ب الانتعاش مرره حلو والي نصحتني فيه دكتوره كميته كبيررره وتكفي فتره طويله 
حاليا بشرتي جفت حيل من الروكتان وممكن اضطر اغير غسولي  ..


من مفضلات الاكل اهم شي :P بسكوت لوآكر ساندوتش آآآه ماقدر اوصف لكم جماله :P كثير مايحبون الفانيليا خصوصا كل صاحباتي يقولون لي كيف تاكلينه وماحبوه يحبون الاصفر اكثر بس انا احححححبه :$♥♥♥♥♥.. 


ومن المفضلات العشوائيه معطر الجو هذا ريححته نظظظافه وانتعاااااااااش اول مره استخدم معطر جو مايخنقني ويكتمني 
هذا كأنه رذاذ مويه ومره ريحته حلوه جربوه .. ♥


وبس هذي كل مفضلاتي هالشهر اذا اعجبتكم لاتبخلون علي ب التعليقات 
والي ماضافني ب تويتر هذا حسابي  @712_beauty 
والانستقرام beautyangel1990 ..

واذا حابين اتكلم عن بشرتي ونظامي ب العنايه او اي موضوع انتم حابينه خبروني .. 

القاكم على خير ♥♥