الاستعداد النفسي للدرآســـه .. ( نصآئح لبنآت الجآمعه ) | ♥♥

5:30 ص beauty angel 9 Comments





مساء او صباح الخير حبيباتي .♥. 

كثييير تكلمنا عن الميك اب والبنات اغلبهم ماقصروا من ناحية لبس الجامعه والتسريحات وهالامور
جينا للأهم من ذا كله لأن الجامعه طبعا مو بس لبس وكشخه ..
 تدوينتي اليوم كلها ثرثره :$ ف الي بتكمل تجيب كوفي ولا أي مشروب وتتكي :P
بحاول اتكلم بلهجه بسيطه واتمنى من كلل المستجدآت يستفيدون من نصايحي ..
الجامعه هي اهمم خطوه لبنآء مستقبلك المهني .. منها راح تبدأين تحسين بتكوين شخصيتك واكتمال نموك الفكري وبتحسين انك كبرتي اكثر :$
يعني رآح تتغير اشياء كثيرررر بشخصيتك بالاغلب  اعتماد ع النفس , جــد واجتهاد , ثقه واسلوب ب الحوار ووو اشياء كثيرر .. تحسسين بعقلك كبر اكثر ومفهومك لكثير اشياء تغير ..
الكلام هذا مو مني لحالي يعني اغلب البنات الي دخلو الجامعه بدايتهم شوي طيش زي الثانوي وغيره بس بعدين ججد تغيروا لما اتضحح لهم مفهوم الجامعه  وحسو شوي انهم كبرو وانه لازم يعتمدون ع نفسهم والمسؤوليه .. ♥♥
بلخص النقاط الي راح اتكلم عنها ..

·         * التوكل على الله
·         * عقلك الباطن
·         * تنظيم الوقت
·         * دورة النوم
·         * وجبة الفطور

·         * الثقه ب النفس 


ا






















 1)  التوكل على الله :

اهممم خطوه هي التوكل على الله بجمممييع امور حياتنا ♥..  توكلي على ربك وثقي ثقه تآآمه انه كل مايختاره لك هو الاصلح والانسب لك سواء باختيار قسمك بالجامعه او بُعد صاحباتك وقبولهم بجامعات ثانيه وكذا , لو القسم موعاجبك لاتتذمرين ولاتضعفين ولاتفكرين تتركين دراستك عشان تقفلت ب وجهك وماتقدرين تحولين , ولاا تيأسين ابـــدآ كل الي عليك تثقين ثقه تاامه ان هذا المقدر لك وكل شي يصير لك خيره بإذنه ..
}وَمَنْ يَتَوَكَّلْ عَلَى اللَّهِ فَهُوَ حَسْبُهُ{
الخطوه الي بعد التوكل والاهم هو الدعآء ♥♥ , {وَقَالَ رَبُّكُمُ ادْعُونِي أَسْتَجِبْ لَكُمْ {  ادعي ربك يوفقك ويسهل طريقك , ولازم تتيقنين الاجابه وتتأكدين ان ربي يسمعك وراح يستجيب لك دعائك حتى لو تأخرت الاستجابه ربي وحدهـ الي يعلم الغيب ويعرف الوقت المناسب لك ♥ ..
خطوهـ مهمه كمان اوقات الاختبارات وهالامور لازم تتأكدين تماااما وتخلين بدآخلك ثقه ان أي اجابه صحيحه او أي درجآت عاليه وتفوق كللللله توفيق من الله انتي سويتي الاسباب الي ادت للتفوق وذاكرتي واجتهدتي لكن التوفيق والنجاح من ربي والواجب عليك تحمدينه وتشكرينه على أي شي جميل يحصل لك ماتنسين نفسك وتفكرين بس ان انتي شاطره وذكيه وتنسين ان ربي الي وفقك ! لأن ممكن ربي يعاقبك وبعد مارتفعتي تنزلين ! L
قال تعالى{ لئن شكرتُم لأزيدنكم } ..
نقطه ثانيه بعد الدعاء الاستغفار : عودوا انفسكم عالاستغفار اي وقت وانتي رايحه للجامعه بالطريق او حتى بالبيت او مثلا لما تنضغطين ومثلا كان وراك اختبارين وبحث او أي ضغط يطرأ عليك حاولي تحافظين ع توازنك لاتقولين اوووف كثيرر ضغغط @#$%^& انننسي أي كلمات سلبيه خذي نفس عممميق واسترخي واستغفري وربي بيفرجها عليك ويبارك بوقتك ويسهل لك كل صعب ♥♥♥  ..


::















2)   عقلك الباطن :

نصيييحه يابنات ابتعدوا تماما عن الكلمات السلبيه لأن لها تأثير مررررره قوي ويأثر عليك بدون ماتحسين !
زي ( انا غبيه , انا ماعرف اذاكر , انا ماعرفت احل الواجب , الماده صععععبه , الاسئله صعبه مره , الدكتوره ماتفهم .... وغيره كثيرررر )
صدقوني مجرد كلمات بسيطه بس لها تأثير كبير للأسف  ..
حلو لما تكونين متفائله , واثقه بقدراتك , حتى لو كنتي صدق مو فاهمه لاتقولين مافهمت ماعرف انا غبيه !
مافي ابدا انسان غبي بس فيه انسان مايعرف يشغل مخه ومايستغل مهاراته , مافهمتي روحي ابحثي عندك يوتيوب عندك كتب كل شي متوفر شروحات وغيره , روحي لصاحبتك تشرح لك , اخوك الكبير ابوك أي احد ..
لو مررره تقفلت ومالقيتي احد يشرح لك روحي لدكتورتك باوقات الساعات المكتبيه وخليها تفهمك صدقيني بتتقبل الموضوع بسعة صدر ان شاءالله وبتعيد لك لأن هذا شغلها .. ابعدي عن ( انا غبيه )
كرري انا ذكيه بينك وبين نفسك , انا شاطره وافهم♥, انا اعرف احل♥, عاادي يعني لاتحسبين نفسك مجنونه لو سويتي كذا بالعكس جالسه تصحصحين عقلك الباطن بطريقه ايجابيه ان شاءالله ولصالحك ♥♥ ..
حلو تحطين لك عبارات جمميله عالمكتب تكون قدامك تحفززك ويتبرمج عليها عقلك الباطن وتذكرك باشياء حلوه .. كلنا وقت الشده ننسسى هالامور ونعصب ونتوتر بس لما تكون قدامك عالمكتب اقل شي بتسويه انها بتعطيك قوه .. بتخليك تبتسمين وتقولين لأ انا قويه وانا اقددها ..
وبتكونين فعلآ قدهــآ ان شاءالله .. ♥♥



::



3 ) تنظيم الوقت :

كثير بنات اول مايدخلون الجامعه يقولون يوه ضغط ماتعودنا على هالاشياء بالثانوي ... الخ
الحل حبيبتي انك تسوين جدول بتقولين يوه وش هالتعقيد وجداول وتنظيم ..
مو شرط تسطرينه وتلصقينه عالجدار :P بس حاولي تكونين منظمه
حطي لك قائمة to do list :
اذا كنتي من النوع الي ينام اول مايرجع من الجامعه , قبل ماتنامين تعالي وتذكري وش عندك بكرا وش الي انطلب منك اليوم واكتبيه قدامك عشان ماتنسين .. ونامي حاولي توزنين نومك بحيث تقومين مرتاحه ومصحصحه *( بتكلم عن دورة النوم بعد شوي ) تجيبين كوفي وتسوين كل الي انطلب منك  بروقان تام  والوقت الباقي اذا تجلسين مع اهلك او تساعدين ماما بالعشاء او تجهزين لبس بكرا  أي نشاط تسوينه باقي يومك او تمارسين هواياتك الي تحبينها , تصوير , قراءه , رسمم .. كذا تكونين نظظمتي وقتك تمام  وماضيعتي ع نفسك أي فرصه ووفقتي بين دراسه وتسليه وغيره ♥♥♥ ..

اذكر معاي بنت كانت داايم تتذمر وماعمره جا وقت تسليم واجبات او غيره الا وتناظر كل البنات وتقول يوه هذا انتم حليتوه , ولحالكم , متى وكيف , انا مامداني يووه ضغط يووه صعب مرره يووه خلونا نأجل ... مامداني اذاكر :"( .. واذا سألتيها تقول نمت وقمت وجلست اتقهوى مع اهلي بعدين نمت !!  
لييييش طيب ؟!
هي اخطت بحق نفسها لأنها مانظمت وقتها وعطت متعتها وتسليتها الوقت الاكبر وهذا اكبر غلط ..

بما انك كبرتي وصرتي بالجامعه والمسأله كلللها صارت تعتمد عليك انتي ! قسمتي صح وعرفتي تنظمين تمشين واذا ماعرفتي بتضيعين ! لأن بالجامعه محدب يناظرك او يلاحقك ويذكرك ب الاشياء اللي لازم تسوينها !  لازم الوقت يتقسم شوي تذاكرين وشوي تجلسين مع اهلك وشوي عالجوال او اللاب الي تحبيين  .. بس اخلي وقتي كله نــــــــوم + جلسه مع الاهل ! مرره خطأ ..
اخر شي وش استفادت  البنت ؟!
تنزل كل الدرجات وممكن تحمل الماده بكل سهوله حتى لو كانت الماده سهله وتافهه .. وفوق هذا كله حطمت الي حوالينها وحاولت تأثر عليهم بسلبيتها ..

الجامعه مسؤوليه مو لعب .. خصوصا الي تخصصاتهم كبيره شوي ..
في بنات يستهترون بالتخصص ع اساس انها تبي شهاده بس وتركنها بالدولاب * ومازال في بنات كذا يفكرون * مالها طموح ولاتبي وظيفه ف تلعب وتعشش بالجامعه بس حتى هالشي خطأ .. الوحده ماتضمن ظروفها ب مستقبلها يعني حتى لو هي بس شهاده ومقرره ماتتوظفين , المستقبل مجهول ممكن تتغير نظرتك او فكرتك حاولي تجتهدين وتسوين الي تقدرين عليه .. عطي كككل شي حقه ماينقص بس ممكن يزيد ..
وحححتى لو مُصره ع هالتفكير وعآجبك اوك عيشي حياتك براحتك والي تبين تسوينه سويه بس لاتأثرين ع الي حولك وتكونين سلبيه وشخصيه متذمره لأن انتي الي اخترتي تكونين كذا !



::




















   4)   دورة النوم :

كثيييير منا مايعرفها وانا قبل كنت ما اعرف هالمعلومات لكن قرأتها وطبقتها وحسيت انها شي صحيح 100%  ♥♥ ..

اول شي لازم نعرفه ان النوم له مراحل بدايته خفيفه بعدين عممييقه بالوسسط وبعدين ترجع خفيفه .. مرات ننام فترره طوووويله وبالغصب نقوم ومانكون نشيطين ومتكسرين وحالتنا حاله مع اننا طولنا والمفروض اننا نقوم مصحصحين وشبعانين ! السبب بالموضوع هذا انه قومتك تصادف مرحلة النوم العميق ! كل دورة نوم تعادل 90 دقيقه يعني ساعه ونصف بالضبط .. لو تنامين ساعه ونص وتصحين بتلقين نفسك نشيطه ع انها بسس ساعه ونص بس المهم صحيتي بعد فترة النوم العميق وكملتي دوره ..

طيب كيف تحسبينها ..
بكل سهوله من وقت نومك شوفي متى تبين تصحين ؟ وحددي كم دوره ..
يعني انا بنام الساعه 12 احسب لي كم دوره عشان اصحى للدوام .. يا اما اني اصحى الساعه 6 وبكون كملت 4 دورات وقمت مصحصحه وشبعانه مرره .. او حتى لو صحيت الساعه 4 ونص يعني 3 دورات . المهم انك تحطين منبه وتحسبين متى تبين تقومين .. جربت الطريقه وارتحححت كثييييير .. حتى بالقيلوله بعد الدوام خطأ انك تنامين لين المغرب او العشاء معد صارت قيلوله ! :/
ساعه ونص بسس وبتقومين عال العال .. = ) ♥♥♥

المسأله هذي بتفيدكم كثييييير جربوها .. ♥


::


   5) وجبة الفطور :  

اهممم شي للطالبات لاتستهينون بهالوجبه .. حلو لما تحتوي على فواكه كثيير لأن السكريات الطبيعيه تعطي طاقه ونشاط طول اليوم ..
غير انها تشبعك .. بعض البنات ماتفطر وتجي طوول ماهي بالمحاضره بطنها يطلع اصوات :$
ماتكون مرتاحه وتنحرج وماتركز بشي !
في بنات ماتقدر تاكل شي بالصباح مو مشكله اشربي كااسين كبار مويه ولو تذوبين ملعقة عسل بالمويه بتعطيك نشاط غير ان العسل مفيد لصحتك وبشرتك :$ ♥♥♥ بس لحد مايجي وقت فطورك ..








::





















6)    الثقه بالنفس :

اول شي مجتمع الجامعه كبيييييير جدآ غير عن المدرسه الي كان فيها كم طالبه هالشي ك فكره كان بالنسبه لي يخوف بالبدايه خصوصا أي بنت مو اجتماعيه مره بتحسب شوي رهبه بسس لايأثر هالشششي ! 

بتختلطين بناس كثيييير وبتشوفين اشكال والوان البنات والناس .. اهممم خطوه عشان تكونين انسانه محبوبه وتدخلين بين الناس تكونين واثقه من نفسسسك ♥♥♥ .. الثقه مو يعني تكونين مغروره ! الثقه يعني تقدرين ذاتك وتثقين ان انتي جميله ♥, ذكيه ♥, محبوبه ♥, تمشين بثقه تتكلمين مع الناس بثقه بدون خوف , .. وترا يابنات مو معناته تكونين واثقه يعني انك تكونين وقحه وصوتك عالي وكلامك شين ! فيه بنات فاهمين الثقه غلط وشخصياتهم هذي قليل الي يحترمها .. تمشي وتسب ومافي أي ذوق ب مصطلحاتها ! ..

حلو تكون لك انتي شخصيتك لاتقلدييين احد لك اسلوبك بالكلام لك طريقتك الي تميزك انتي وبسس لك ستايلك باللبس لك شخصيتك انننتي مو تجميع شخصيات الناس ..
لما يعجبك شي ودك تسوينه سويه حتى لو محد ابببد قد سواه بالجامعه سواء ب اللبس او ب أي شي ثقي بنفسك وتجرأي وسويه طول ماهو عاجبك .. ماتدرين ممكن كل البنات يعجبهم ويقلدونك بعد :P المهم ان انتي واثققه من نفسسك ..

يعني لاتترددين ب أي شي .. خليك انسانه وااثقه مُنجزه , لك طموحآت ولك عااالمك الخاص , طوري نفسك اقرأي تعلمي اسألي لو ماعرفتي شي معين , امشي ب ثقه .♥♥.

لما كنت صغيره كان عندي صديقه تستحي تمشي لوحدهآ ب سيب طووويل ! تشوف ان كل الناس الي يناظرونها يتكلمون عليها وعلى مشيتها وعلى شكلها * بصراحه مالومها ع هالتفكير الشعب صار 24 ساعه حش * حش ..! بس ليش ماتكون واثثقه ؟ ممكن يناظرونها انها جمميله وو مشيتها حلوه ولبسها مرتب ؟! لو شافت نفسها كذا ووثقت مارح تنحرج وبتكمل مشي وهي رافعه وجهها مارح تنحرج وتحطه ب الارض ! الموضوع بسس محتاج شوية ثققه .♥♥.

ولاتترددين ححتى بدراستك وعند دكاترتك بادري وشاركي وخليك متفاعله اغلب الكلاسات بالجامعه تحتاج قروبات وتفاعل خصوصا ب التحضيري وتقديم العروض والشرح والمشاركه مع دكتورتك هالامور كلها محتاجه ثقه منك راح تدفعك وترفعك فوق , دفه بسيطه واول تجربه بتسوينها بتنبسطيييييين من بعدها وبتكونين تمام المهم تخطين اول خطوهـ , وتقولين انا قدها وانا واثقه من نفسي وراح اسوي كل شي بدون خوف ..
كمان فيه حاجه مهمه ,
لاتنسين ان ستايلك ومظهرك المرتب يساعدك تكونين واثقه من نفسك♥
ريحتك ونظافتك الشخصيه♥ ,
والحين احنا كبار وفاهمين هالاشياء مايحتاج اتكلم فيها .. 

::



وبالنهايه احس فيه اشياااءءء كثيييييييييير ماتكلمت عنها * بعد القرقره الي فوق فيه زياده :P  *
واحس كمان ان كلامي شوي ملخخبط , :$
والله ودي اساعد كككل البنات لأني مريت بالمرحله هذي وكنت اتمنى احد يدلني بالبدايه ويعطيني دفعه معنويه ..
كلامي ككككله من القلب واتمنى يوصل قلوبكم وتستفيدون منه .. ♥♥
واذا عجبكم الموضوع وتبون جزء ثاني علموني ..
واذا فيه شي ناقص حابيني اتكلم عنه كمان علموني ..
اسسسسعد كثييييييير بمشاركتكم لي وتعليقاتكم .. ♥♥
أي استفسار او سؤال هذي حساباتي 

انستقرام @beautyangel1990
تويتر /  @712_beauty
والاسك موجود رابطه ب اول الصفحه ..
احححبكم .. ♥♥♥♥









هناك 9 تعليقات:

  1. Unknown7 سبتمبر 2013 في 6:14 ص

    الله يسسسعدك دنيا وآخره
    مره حبيت كلامك خصوصا عن دورة النوم
    راح أطبقه إن شاء الله

    ردحذف
  2. Unknown16 سبتمبر 2013 في 4:53 م

    ججزاكك لله خييير كل ما اقرا كلامك احس اترتاح واقوله بنفسي الجامعه.مو صعبه مثل ما انا.مفكره 

    ردحذف
  3. shosho30 مارس 2015 في 11:30 ص

    كلام جميل ❤
    هذي اخر سنة ثانوي لي وكلامك خفف الخوف اللي فيني

    ردحذف
  4. Unknown15 سبتمبر 2015 في 9:49 ص

    كلامك يجنن . . الله يسعدك 😁
    انا فاتحه من الموبايل ومش لاقيه رابط الآسك تبعك؟ 😅

    ردحذف
  5. Unknown15 سبتمبر 2015 في 9:50 ص

    أزال المؤلف هذا التعليق.

    ردحذف
  6. Unknown15 سبتمبر 2015 في 10:05 م

    كلامك يجنن . . الله يسعدك 😁
    انا فاتحه من الموبايل ومش لاقيه رابط الآسك تبعك؟ 😅

    ردحذف
  7. Unknown15 سبتمبر 2015 في 10:05 م

    كلامك يجنن . . الله يسعدك 😁
    انا فاتحه من الموبايل ومش لاقيه رابط الآسك تبعك؟ 😅

    ردحذف
  8. Unknown16 سبتمبر 2019 في 1:52 م

    جزاكي الله كل خير
    انا ملقتش حد يديني نصايح و طاقة قبل ما اروح الجامعة وفي اول سنة كانت صعبة جدا عليا لإني كنت وحيدة وإنطوائية بشكل كبير جدا وحتى اصحابي اللي كانو معايا في الثانوي عملو صداقات كتيرر إلا انا وفضلت سنة كاملة في وحدة وحزن وجيبت تقدير جيد بسبب إهمالي في الدراسة لإني كنت مخنوقة جدا طول الوقت بس انا دلوقتي طالعة سنة2جامعة وقررت اغير كل مفاهيمي و اثق بنفسي واصلح كل اللي اتدمر قبل كده

    ردحذف
  9. ازهار26 سبتمبر 2020 في 3:47 م

    هلا حبيتتتتتتتت كثير شكرا لك من القلب

    ردحذف

الاشتراك في: تعليقات الرسالة (Atom)